وجهه نظر

وطني الأكبر في القران

وده يكفيني مهما يكون فيكي من الأحزان

وراضي يا بلدي مهما يكون ميهمنيش الغلا

 وميهمنيش العدا ميهمنيش الناهب وميهمنيش الظالم

طول ما أنا عايش تحت سماكي بضميري الحي

حبك يا مصر في قلبي ونيلك هو وريدي

ومهما يكون فيكي هعيش أنا ليكي.

كانوا زمان بيقدموا أروحهم فداكي جين دلوقتي يلعنوا فيكي

عمللهم غسيل المخ وهموهم بأمجدهم بهروهم بالوهم علشان يهجر وكي

فاكرين أن ده الصح وللأسف ماتوا أصعب موته ومتشردين في شوارع غريبة و وسط أحضان كلها قسوة

ليه يا ابن بلدي راحت فين همتك راحت فين وطنيتك .

يا جماعة مصر دي كلمه جميله قال عنها الله (ادخلوا مصر إنشاء الله امنين) وقال الحبيب المصطفي ( من أراد الهلاك لمصر هلكه الله ) وفي رحله الإسراء والمعراج رائي الحبيب نهران نهر النيل ونهر الفرات مش ده يكفي إن إحنا نحب مصر مش ده يكفي أن نفضل دايما متمسكين بيها .

موضوعي المهم هنعد كده ونتكلم علي مصطبة جدي وجدودكم عنه علشان نحس بالاصاله أو لنناقش قضيه تهم بلدنا :

أول ما وقعت أزمة الغلا ، أول ما نفجر بركان الدقيق والرغيف ، جابوا الهم والغم علي الحكومة منسيوش يذكروا رئيسنا، وقالوا دي فيها وفيها، قالوا ده نصب ونهب وعلني ، حكومتنا مصت دمنا ، وشردت الغلابة إلي زينا ، نسوا يقولوا وإحنا ضمرنا موتنا ، ونسوا يقولوا وإحنا كمان ساعدناها ، شافوا عيوب غيرهم ونسوا يشوفوا عيوبهم.....تعالوا معايا نشوف الحكاية:

 ( أنا نزلت مكان محترم اشتري حاجه قلي ب28 جنيه ونصف حلو الكلام مسكت العلبة لقيت مكتوب عليها 25جنيه فلتله دية ب25جنيه مش زى مقلتلي رد وقلي لا دي هتكون التسعيرة الجديدة إلي لسه هنلزقها ...بصراحة سكت وخدتها جيت لأقاربي قلتلهم قالوا لي علشان هو بيتعامل مع تاجر والتاجر بيحسبه قلت أزاي  التاجر حسبه خلاص عليها وقت ما جبها وحسبه عليها علي أنها ب25 والسلعة إلي نزلت بعدها بفترة وجيبها جديدة حسبه عليها علي إنها ب 28 فيها إيه لو باع السلعة إلي ب25 بثمنها إلي أن تنتهي ويبدأ في السلعة الجديدة علي إنها ب 28 قلي هنا في تحكمات البائع إيه دخل الحكومة مش هنا ضمير برضو......ماشي شوال الأرز النهارده بحاجه وعشرين بعديها بيوم مباشرة يكون بحاجه وثلاثين ..تيجي أزاي ...

مش هنا التاجر برضوا ...

الحكومة مش لوحدها المسؤله لان الغلا موجه في العالم كله مش في مصر زى ما يفتكر البعض ......مش هننكر إن الحكومة نصبت كتير وأي مسؤل لازم يشبع بس الشعب برضوا مسؤل لان كل تاجر و بائع نصب علي زباينوا والزباين أيضا عارفين ليه لان الوطن العربي بتاع مظاهر بدون حاجه ....يعني ممكن يكون واحد مش لاقي يأكل وشايل موبايل ...ولا أول لما ربنا يرزقوا بقرشين يجري يجيب سجاير ..ولا منزل من المنازل العشوائية ومركب تكييف ....

يمكن حسين بالمشاكل دية علشان إحنا شعب استهلاكي أكثر من انه منتج ودي حكاية ثانيه هفتحها معاكم مرة ثانيه إن شاء الله

البلد فعلا فيها خيرات كتير بس لو كانت ليها ولجميع طبقتها بس للأسف هي لحجات مخصصه بس ، ومعتقدش إن ده هيفرق لو إحنا بنشتغل بحب وضمير وبابتسامة تفاؤل ....فيها إيه لو الشركات تعاونت وتحابت دون محاربه بعضها وبحمد الله علي النعامات التي رزقها الله بها دون النظر إلي ما يمتلكه الغير .

حب بابا حسني وماما سوزان أنت عايش في عهدة في سلام ...في كل منزل تليفزيون وجهاز كمبيوتر مكنش في زمان ده ولا حته التليفزيون ...بس أهم حاجه تقول الحمد لله علشان ربنا يبارك لك .

علينا طاعة الوالي مهما كان إلا  في معصية الله فحسابه ليس في الدنيا إنما في الآخرة ...

فإذا كنا قدرة فربنا يعينه علينا وإذا كان قدرنا فربنا يعيننا عليك .

كان هدفي هنا أقول إن لو مهم ناش إلي في بلدنا يهمنا إن عايشين في سلام ويهمنا أن نصحي ضميرنا ، نشوف بعيون الناس مش نرمي كل حاجه عي الحكومة وإحنا ياشباب عايزين نهرب إلي الغربة فكرين إنها الحلم لا الحلم الاحلي  انك ترفع شان بلدك ومتقلش دي فيها وفيها قول أنا هديها إيه(متقلش إيه آدتنا مصر قول هندي إيه لمصر)

( لكم كل التحية والشكر)